حقيقة علمية
٨٠ % من الناس اللي بيكلمونا بيبقوا بيكلمونا علشان مصلحة، خدمة، طلب، المهم لغرض في نفسهم.
الدنيا مشاغل فمجرد مصلحتنا ما تخلص بندور علي حد تاني عندة المصلحة دية و نكلمة.... و عادة بننسي نسأل على اللي عملنا المصلحة و يتنسي.
هتحسها اوي بعد الجامعة... أو بعد ما تغير شغلك... شوف كام واحد كانوا شلتك و كنت بتسأل عليهم بانتظام او بيسألوا هما عليك هتكتشف ان معظمهم يا انت ليك عندهم مصلحة يا العكس او مجرد صداقة من باب إنك بتشوفهم كل يوم.
مش بسفة و لا بقلل من العلاقة دية ولا بقول انها مزيفة و كلام الناس المكتأبة لكنها علاقة وقتية مربوطة بمنفعة كل واحد فيكوا. بس دايما هيفضل فية الاتنين تلاتة أربعة خمسة اللي هتفضل تعرفهم و يعرفوك و بتسألوا علي بعض. هيفضل الكام واحد اللي فية بينكوا عشم و رابط غير معروف زي رباط الأهل. فية ناس لو مشوفتهاش أسبوعين علاقتك بيها بتقل و يمكن تحس بحرج منهم او حتي العلاقة بينكوا ترجع رسمي و بكلفة... و فية ناس لو قعدت سنة متشوفهاش بترجعوا تتكلموا و كانكوا بايتين في حضن بعض لو فاهم قصدي. هما دول الصحاب اللي لازم نتبت فيهم.
الحمد لله على نعمة الصحاب بجد و الأهل... اللي حتي لو مفيش مصلحة بنود بعض من وقت للتاني و محدش فينا مستفيد حاجة من التاني.
No comments:
Post a Comment